సంకురాతిరి మంకురు.....

"సంకురాతిరి మంకురు.....
ఆకాశం నుండి భూమికి ఆరేసిన తెల్లని చీరలా...
సింగారంగా కమ్ముకుని ఉంది.
పదహారణాల పడుచులు తమ వన్నెలనన్నీ మలచి,
తెలుగింటి ముంగిళ్లల్లో రంగవళ్లులుగా పరిచారు.

ఈ కమనీయ దృశ్యాన్ని మబ్బులలో నుంచి దొంగ చూపులు చూస్తున్నాడా..?
అన్నట్లు ప్రభాత సూర్యుడు పైపైకి వస్తున్నాడు.
భాస్కరుని కిరణాలనే కొటె చూపులు పడగానే...
ఆ ముగ్గులు సిగ్గుతో కందిని అమ్మాయి బుగ్గలలా ముద్దొస్తున్నాయి.
ఆ రంగవళ్లుల మధ్య అలరారే గొబ్బెమ్మలు,
అంగరంగ వైభవంగా సింగారించిన బంగారు దుద్దులలా మైమరిపిస్తున్నాయి..
ఆ గొబ్బెమ్మలపై చల్లిన నవ దాన్యాలు..
నవ రత్నాలలా మణులు మాణిక్యాలలా...
మిరుమిట్లుగొలుపుతున్నాయి.
ఆ ప్రశాంతమైన పల్లె వీధులలో...
హరిదాసు కీర్తనలు ఆహ్లాదాన్ని కల్గిస్తున్నాయి.
గంగిరెద్దుల గెంతులు చూపరులకు కనువిందు చేస్తున్నాయి.
పంటలు చేతి కందడంతో ఇళ్లన్ని కళ్లాల్లా... దాన్యాలతో నిండిఉన్నాయి.
ఆ ఇరికిళ్లలో బంధువుల సందడి రోకళ్ల సవ్వడి....
వంటిళ్లలోంచి వచ్చే పిండి వంటల ఘుమ ఘుమలు...
అబ్బో ఆ 'సుందర' దృశ్యాలు...
పండగ వాతావరణాన్ని చెప్పకనే చెబుతున్నాయి."

ur's sri