చిత్తుకాగితాల వాడికై ఎదురు చూస్తోంది..!!!

ఏముందదో చిత్తు కాగితం
బజారులో విసిరేసిన చెత్త కాగితం
అబ్బో... దాని గతం...
మహా గణం
దానికోసం పచ్చని చెట్టే బలైంది
పచ్చనోటు దాని బానిసైంది
దేశ శాసనం నుండి...
విద్యార్థి పరీక్ష వరకూ... తనో పలకైంది...
పత్రిక గా మారి విపిల వెన్నులో వణుకైంది
వివిఐపిలను సైతం వెయిట్‌ చేయించుకుంది
కవి కలం తాకడంతో కావ్యమైంది
సర్వ జనుల విముక్తికై తనో విప్లవమైంది
అందరికీ ఓ దారి చూపింది
దారిలేక పల్లి బటానిల బుట్టలో సుట్టయింది.
ఆ పనీ తీరాక...
చెత్తకుప్పలో ఎండావానలకు శల్యమైంది..
ఇక శిథిలమైపోకముందే...
చిత్తుకాగితాల వాడికై ఎదురు చూస్తోంది..!!! 
- సుందర్